Тағы 9 маршрут ашылады: қазақстандықтар қай елдерге ұша алады
Жыл соңына дейін тағы 9 бағыт бойынша халықаралық рейстер іске қосылады. Бұл туралы индустрия және инфрақұрылымдық даму министрі Марат Қарабаев мәлімдеді, деп хабарлайды sputnik.kz.Министр халықаралық жолаушылар авиатасымалын дамыту үшін 2017 жылдан бастап "open sky" режимі енгізілгенін еске салды. Нәтижесінде жыл сайын жаңа халықаралық маршруттар ашылып жатыр.
"Биыл 18 жаңа маршрут ашу жоспарланып отыр, оның 9-ы ашылды. Жыл соңына дейін Доха, Куала-Лумпур, Анкара, Карачи, Лахор, Джидда, Маскат, Прага және Тель-Авивке тағы 9 жаңа халықаралық маршрут ашылады деп жоспарлап отырмыз", - деді Қарабаев үкімет отырысында.
Сондай-ақ 2025 жылға дейін Мумбай, Гонконг, Вена, Токио, Сингапур, Нью-Йорк және басқа қалаларға рейстер ашу жоспарланған.
Қарабаевтың айтуынша, бүгінгі күні 27 елге 103 авиамаршрут бойынша халықаралық тасымалдарды 3 отандық, 26 шетелдік әуе компаниясы орындайды. Бұл пандемияға дейінгі көрсеткіштерден жоғары.
