Вакцина алғандардан ПТР-тест талап етілмейді – Цой
Коронавирус инфекциясына қарсы вакцинацияның толық курсын аяқтаған қазақстандықтардан ауруханаға жатқызған кезде, еңбек демалысынан кейін жұмысқа шыққанда ПТР-тесті талап етілмейді.Бұл туралы Үкімет отырысында Денсаулық сақтау министрі Алексей Цой айтты.
Коронавирусқа қарсы вакцина алатын адамдар санының біртіндеп өсуіне байланысты коронавирустық инфекцияға қарсы егудің толық курсынан өткен адамдарға қатысты бірқатар шектеу алынып тасталды, - деді Цой.
Атап айтқанда, вакцинацияның толық курсынан өткен соң, вахталық жұмысшылар, медициналық қызметкерлер еңбек демалысынан немесе ауырып жұмысқа шыққан кезде олардан ешқандай ПТР-тест талап етілмейді.
Сондай-ақ ауруханаға жатқызудың кез келген түріне ПТР-тесті қажет емес. Ал ауырғандармен байланыста болғандар оларды оқшаулау жоспарланбайды екен.
Бірақ Цойдың айтуынша, медициналық бақылау жасалады.
Бұған дейін хабарлағанымыздай, Мамин мамырда ауыл тұрғындарына вакцина салуды көбейту керегін айтты. Сонымен қатар отырыс барысында Үндістаннан келгендер қандай жағдайда да карантинге жатқызылатыны белгілі болды.
