Қазақстанда жұмыртқаның құны шарықтап кетті
Әлеуметтік маңызы бар азық-түлік тауарларының (ӘМАТ) баға индексі өткен аптада өзгеріссіз қалды және жылдық мәнде 5,2% өсті. Бұл туралы Ұлттық статистика бюросы мәлімдеді, деп хабарлайды Zakon.kz.Бюроның Telegram-дағы каналында жарияланған ақпаратта елімізде тауық жұмыртқасының бағасы айтарлықтай – 1,3% өскені айтылған. Сонымен қатар мына тауарлардың бағасы аздап өскен:
макарон өнімдері мен тауық еті – 0,4%,
тұз – 0,2%,
айран (2,5%) мен макарон өнімдері – 0,1%.
Бюро 31 қазандағы жағдай бойынша Қазақстандағы ӘМАT тізіміндегі кейбір тауарлардың орташа бағасын атады:
сүт (2,5%) – 381 теңге/л,
қарақұмық – 328 теңге/келі,құмшекер – 423 теңге/келі.
Әлеуметтік маңызы бар азық-түлік тауарларының тізімінде 19 атау бар.
Ұлттық статистика басқармасы
19 қыркүйекте Қазақстанда тауық жұмыртқасының өндірісі күрт төмендегені белгілі болды. Бұдан кейін Ұлттық статистика бюросы азық-түлікті тұтыну бойынша орташа есеппен жан басына айына 17 жұмыртқадан келетінін түсіндірді.
