Қазалы Qazaly.kz ақпараттық агенттігі
» » Өзбекстанда 84 елдің делегациясы қатысатын инвестициялық форум өтеді

Өзбекстанда 84 елдің делегациясы қатысатын инвестициялық форум өтеді

Өзбекстан президенті Шавкат Мирзиёев 2-3 мамыр аралығында өтетін III Ташкент халықаралық инвестициялық форумына дайындық барысымен танысты, деп хабарлайды Kazinform агенттігінің Ташкенттегі меншікті тілшісі Әлихан Асқар.

Өзбекстан басшысының баспасөз қызметінен мәлім еткендей, 2022 жылы алғаш рет өткен бұл форумға 56 елден келген 1 мыңнан астам шетелдік қонақ катысқан болатын.

Биыл оған 84 мемлекеттен 2500-ге жуық делегат келеді деп күтілуде. Олардың ішінде шет елдердің үкімет мүшелері, ірі компаниялардың басшылары, сондай-ақ БҰҰ, ШЫҰ, ОПЕК, Еуропалық қайта құру және даму банкі сияқты халықаралық ұйымдардың өкілдері болады.

Бағдарламаға сай, форум аясында 40-тан астам шара, атап айтқанда үкіметаралық комиссиялардың отырысы және Өзбекстандағы бірқатар жобаны іске қосу рәсімі өтеді.

Сонымен қатар, 3 мамырда Өзбекстан президенті жанындағы Шетелдік инвесторлар кеңесінің екінші пленарлық сессиясы өтеді.

Айта кетейік, Ташкент халықаралық инвестициялық форумы Өзбекстанның экономикалық мүмкіндігін көрсетіп, соның негізінде инвестициялық келісімдер жасауға арналған алаң саналады.
01 мамыр 2024 ж. 983 0

Жаңалықтар мұрағаты

«    Маусым 2024    »
ДсСсСрБсЖмСбЖс
 12
3456789
10111213141516
17181920212223
24252627282930