Екпе алған шетелдіктер кіші қажылыққа бара алады

Сауд Арабиясы 9 тамыздан бастап қасиетті Мекке қаласына қажылыққа баруға өтініш қабылдай бастайды. Ел билігі бұл шешімді коронавирустық пандемияға байланысты шекара жабылғаннан 18 ай өткен соң қабылдап отыр.

– Қажылық және умра министрлігі әлемнің түкпір-түкпірінен умраға өтінімдерді біртіндеп қабылдаумен қатар, ел азаматтары мен тұрғындарының арасынан умра орындаушыларды қабылдау басталғанын жариялады, – делінген хабарламада.

Есепке сәйкес, Таяу Шығыс патшалығы тыйым салынған тізімге енгізілген елдерден вакциналанған сенушілер келгеннен кейін карантиннен өтуге мәжбүр болады.

Сондай-ақ, шетелдік қажылар Сауд Арабия мойындаған вакцинамен егілуі тиіс. Қазіргі уақытта елде Moderna, Pfizer / BioNTech, AstraZeneca, сондай-ақ Janssen (Johnson&Johnson компаниясы шығаратын) коронавирусқа қарсы вакциналар мақұлданды.

Айта кетсек, жыл сайын шетелдік қажылар ел бюджетіне 12 млрд долларға жуық табыс әкелетін. Алайда, COVID-19 пандемиясына байланысты шекаралардың жабылуы ел экономикасына елеулі зиян келтірді.

Бұған дейін коронавирусқа байланысты Мекке мен Мединеге кіру уақытша тоқтатылған болатын.