Ашық НҚА порталында жарияланған бұйрық жобасына қарағанда, бүгінде Қазақстанның шет елдердегі мекемелері бұл қызметті Қазақстан Республикасынан тыс жерделерде тұрақты тұратын; шет мемлекеттердің аумағында орналасқан оқу орындарында күндізгі оқыту нысаны бойынша білім алатын; шет мемлекеттерде еңбек шарты бойынша жұмыс істейтін; көрсетілген адамдармен бірге тұратын отбасы мүшелеріне; шетелдегі дипломатиялық қызмет персоналымен бірге тұратын дипломатиялық қызмет персоналының туыстарына; жасының егде тартуына байланысты өзіне-өзі күтім жасауға қабілетсіз адамдарға (қарттар) және тыныс-тіршілігін шектейтін тұрақты ағза функцияларының ауытқуларымен денсаулығында бұзушылық бар адамдарға көрсетеді.

Енді Елшіліктер мына санаттағы азаматтарға да қызмет көрсететін болады:

Қазақстан Республикасынан тыс жерлерде туған жағдайда кәмелетке толмағандарға;

Қазақстан Республикасынан тыс жерлерде тұратын шетелдіктің отбасы мүшелері болып табылатындарға;

өзіне-өзі қызмет көрсете алмайтын жақын туыстарын күтуді жүзеге асыратын адамдарға;

шет мемлекеттің аумағында ұсталғандарға немесе күзетпен ұсталатындарға, қамауға алынатындарға, сондай-ақ пенитенциарлық мекемелерде жазасын өтеушілерге.

Бұйрық жобасы 22 қарашаға дейін ашық талқылауда болады.