Сайлау-2023: 1 млн теңгеден астам сайлау жарнасы кімдерге қайтарылады?
Парламент Мәжілісіне бірмандатты округтен кандидаттар мен саяси партияларға сайлау жарнасы қайтарылатын болды. Бұл туралы Орталық сайлау комиссиясының мүшесі Сәбила Мұстафина ОСК отырысында мәлімдеді, деп хабарлайды baq.kz.Айтуынша, жарна өз округі бойынша 5 және одан да жоғары пайыз сайлаушылар дауысын жинаған бірмандатты округтен түскен кандитаттарға қайтарылады.
Мәжіліске бірмандатты округтен 370 кандидаттың 104-іне сайлау жарнасы қайтарылады. Қалған 266 кандидат тиісті 5 пайыз дауысты жинай алмаған. Сайлау жарнамасы екі партия – Жалпыұлттық социал-демократиялық партия мен Respublica партиясына қайтарылады. «Байтақ» партиясы тиісті межені жинай алмады, қалған партиялар «Сайлау туралы» Конституциялық заңның 88-бабына сәйкес сайлау жарнасын енгізген жоқ. Себебі олар бұған дейін Мәжіліс сайлауына қатысып, сайлаушылардың 5 пайыздан артық дауысын жинаған, - деп түсіндірді ОСК мүшесі.
Айта кетерлігі, Мәжіліс сайлауына кандидаттар тізімін ұсынған партиялар Орталық сайлау комиссиясының есепшотына тізімдегі әр тұлға үшін 15 АЕК немесе 1 млн 50 мың теңге көлемінде жарна енгізді. Бірмандатты округтер бойынша кандидаттарға да қойылған талап дәл сондай болды.
