Amazon-ның тоқсандық кірісі 113 миллиард доллардан асты
Бұл – өткен жылғыдан 27%-ға көп. Өткен тоқсанда америкалық Amazon компаниясының кірісі 113 миллиард доллардан асты, деп хабарлайды Inbusiness.kz компания сайтындағы дерекке сілтеме жасап.30 маусымда аяқталған үш айлық есептік кезеңде Amazon кірісі 27%-ға өсіп, 113,1 млрд долларға жетті. Өткен жылы 88,9 млрд доллар болған еді.Бірқатар сарапшының пікірі бойынша, Amazon-ның кірісі 115,4 миллиард доллардан асуы керек еді. Amazon – интернет арқылы тауарлар мен қызметтер сатылатын әлемдегі ең ірі корпорация. Оны Джефф Безос 1994 жылы құрған. Қазіргі уақытта компанияның нарықтық капитализациясы – шамамен 1,81 трлн доллар. Bloomberg агенттігінің мәліметі бойынша, Безос – қазіргі уақытта әлемдегі ең бай адам. Оның байлығы 207 миллиард долларға шамасында.
