Шешенстан президенті Қадыровтың ұлы түріктің «Жаужүрек Ертұғрыл» сериалына түсті
Бұрын Рамзан Қадыров аталған сериалды оңдыртпай сынаған болатын. Туындыдан еш мән-мағына көрмегенін жеткізген еді. Соған қарамастан, Шешенстан президенті Түркиядағы түсіру алаңында болып қайтты.Шешенстан басшысының ұлы Адам Қадыров түріктің «Жаужүрек Ертұғрыл» сериалына түсті. Бұл туралы елдегі ақпарат құралдары Шалинск әкімшілігінің басшысы Турпал-Али Ибрагимовке сілтеме жасап хабарлады.
Адам Қадыровтың сериалға түсіп жатқаны туралы Турпал-Али Ибрагимов желіде хабарлаған. Алайда, баланың қандай рөлді сомдайтыны айтылмапты.
«Адам барлық жағынан алда келеді, оқуда озат, спортпен де айналысады, түрлі наградалары бар. Киноға түсіп, өзін жаңа қырынан танытты», — деп жазған шенеунік.
