Аудан басшысымен кездесуге Қызылорда облысы Кәсіпкерлер Палатасының Өңірлік кеңес төрағасы Ерлан Раимов, Қызылорда облысы кәсіпкерлер палатасының директоры Сыздық Пірмұхаммед, Өңірлік кәсіпкерлік кеңесінің мүшесі Болат Нұрқожаев және Қызылорда облысының Кәсіпкерлер палатасының Қазалы ауданы бойынша филиалының директоры Маржан Ким мен «Сыр маржаны» ЖШС-нің директоры, жеке кәсіпкер Мнажадин Өтеевте бірге келді.

Кездесуде кәсіп ашуға ниет білдірген азаматтардың жеңілдетілген несие алуға жобаларын дайындауға көмек беру, құжаттарын реттеуге ықпал жасау және аудандағы кәсіпкерлік саласын дамытуға қатысты мәселелерді талқыланды.

Аудан басшысы өз кезегінде аудандағы кәсіпкерлік саласының дамуына барлық жағынан қолдау көрсететінін айтып, ауылдық елді-мекендердегі кәсіп ашам деген кез-келген азаматқа жан-жақты қолдау көрсетілетіндігін жеткізді.

Кездесуден соң облыстан келген қонақтар Әйтеке би кенттік Мәдениет Үйінде аудан кәсіпкерлерімен кездесіп, өңірімізде кәсіпкерлік саласын дамытуда жүзеге асырылып жатқан түрлі жобалар жайында және кәсіпкерлікті дамытуға қатысты басқада мәселелер бойынша түсіндірме жұмыстарын жүргізді.